ARCOS Y FLECHAS

Acaso nos propoñemos ir á caza dos gamusinos? Non, eses bichos non se cazan con arco e frechas, senón cunha lanterna e un saco (hai que ir de noite; deixarémolo para outro ano). Tampouco imos cazar teixugos, nin xabaríns, nin coellos, nin gatos. Non imos pasar tanta fame que nos obrigue a iso.

O que imos facer é trebellar cos materiais necesarios para producir os nosos propios arcos e frechas cos que despois podemos adestrarnos e competir disparando a unha diana de cartón…, colocada nun lugar axeitado.